பால் பெல்போரா – நடனம் முடிந்துவிட்டது

தமிழில்: ஆழியாள்

“நெடிதுயர்ந்த நெடுஞ்சாலை மலைக்குன்றருகே
போராளி அவன் மடிந்து கிடக்கிறான்”

****

ஏறி அவளை வன்புணர்ந்து தள்ளிய
இராணுவச்சிப்பாயிடம்
உயிருக்காய் நப்பாசையில் மன்றாடியவளை, 
அவளின் 
கறுத்த குரல்வளையைச் சீவித்
தறித்தெறிந்தான் இராணுவச்சிப்பாய்.  ******

தபால் பெல்போரா – நடனம் முடிந்துவிட்டது
ஆங்கில மூலம்: கெவின் கில்பேர்ட் தமிழில்: ஆழியாள்

பால் பெல்போரா
பால் பெல்போரா
முடிந்து விட்டது நடனம்
நடனம் முடிந்துவிட்டது
இறுதியில் நடனம் நின்று போய்விட்டது.

நெடிதுயர்ந்த நெடுஞ்சாலை மலைக்குன்றருகே
போராளி அவன் மடிந்து கிடக்கிறான்
தன் முறிந்த ஈட்டி வீழ்ந்த அதே இடத்தில்
நெடிதுயர்ந்த நெடுஞ்சாலை மலைக்குன்றருகே
போராளி அவன் மடிந்து கிடக்கிறான்

பால் பெல்போரா
பால் பெல்போரா
முடிந்து விட்டது நடனம்
நடனம் முடிந்துவிட்டது
குன்றுச் சரிவிலே
அவனின் பெட்டைத்துணை உயிரற்றுக்கிடக்கிறாள்

ஏறி அவளை வன்புணர்ந்து தள்ளிய
இராணுவச்சிப்பாயிடம்
உயிருக்காய் நப்பாசையில் மன்றாடியவளை, 
அவளின் 
கறுத்த குரல்வளையைச் சீவித்
தறித்தெறிந்தான் இராணுவச்சிப்பாய்.  

அவள் பாலூட்டிய பிஞ்சு மகவோ
புற்களிடையே கிடக்கிறது
விறைத்த உருக்கு இரும்பால்
தலை பிளக்கப்பட்டு,
சிதறிய மூளை மெல்லத் துடித்தபடி.

பால் பெல்போரா
பால் பெல்போரா
நடனம் முடிந்துவிட்டது
வெள்ளைக்காரா!
இப்போது என்னை வினவிக் கேள்
என்மனநிலை எப்படி இருக்கிறதென்று
என்னைக் கேள்.