கலாசாரம் என்ற போர்வையில் மூடி மறைக்கப்படும் பெண்கள் தற்கொலைகளும் கொலைகளும்

யுத்தம் முடிவடைந்து இரண்டு ஆண்டுகள் பூர்த்தியான பின்னரும் பெண்கள் விவகாரங்களுக்கென தனியான அமைச்சு ஒன்று இருக்கின்ற சூழலிலும் கூட பெண்களுக்கெதிரான வன்முறை கட்டுப்படுத்தலின்றி நாளாந்தம் அதிகரித்த வண்ணம் இருக்கின்றது. குறிப்பாக அண்மைக் காலமாக யாழ்ப்பாணப் பிரதேசத்தை எடுத்ததுக் கொண்டால் அதிகளவில் பெண்கள் வல்லுறவுக்கு உட்படுத்தப்பட்டு கொலை செய்யப்படுவதாகவே  மருத்துவ  அறிக்கைகள் கோடிட்டுக் காட்டுகின்றன

தொடர்ச்சியாக இவ்வாறு குறிப்பிட்ட சில பிரதேசங்களில் நிகழ்கின்ற பெண்களுக்கெதிரான கொலைகள் மற்றும் பாலியல் வல்லுறவுச் சம்பவங்களை தடுப்பதற்கோ அல்லது அவற்றிற்கெதிரான ஆக்கபூர்வமான நடவடிக்கைகள் எடுக்கப்படாமையானது கவனத்திற்குரியது.இன்றெல்லாம் பெண்களது கொலைகள் தற்றொலைகள் மற்றும் பாலியல் வல்லுறவுச் செய்திகள் சாதாரணமாக நிகழும் நிகழ்வாகவும் அவற்றிற்கு உரிய சட்ட நடவடிக்கை எடுப்பது மிகவும் குறைவாகவுமே இருப்பது வெளிப்படை. இல்லையேல் கடந்த ஆறுமாதங்களில் யாழ்ப்பாணத்தில் மட்டும் 28  கொலைகள் மற்றும் தற்கொலைகள் இடம்பெற்றதாக உத்தியோக பூர்வமான தகவல்கள் தெரிவிக்கின்றன. இவற்றிற்கான காரணங்கள் யாவை? இவற்றைத் தடுப்பதற்கான உத்தியோகபூர்வமாக மேற்கொள்ளப்பட்ட விடயங்கள் யாவை? ஏன ஆராயும் போது எமக்க கிடைப்பது ஏமாற்றம் மட்டுமே. அரச தரப்பானது யாழ்ப்பாணதத்pல் இடம்பெறுகின்ற வன்முறைச் சம்பவங்களை தடுப்பதற்கு முறைமையான திட்டத்தைக் கொண்டு வருவதற்குப் பதிலாக தொடர்ந்தும் பாதிப்புக்குள்ளாகும் பெண்களையே குற்றம் சுமத்துகிறத

 இதுமட்டுமன்றி யாழ்ப்பாணத்தில் வன்முறை பற்றியும் அதன் புள்ளி விபரங்கள் பற்றியும்  அறிவிப்புகள் வெளியாகிக் கொண்டிருக்கம் போது கூட  அவற்றைத் தடுத்து நிறுத்த எந்த வழியும் நடைமுறைப்படுத்தப்படாமையானது குறிப்பிடத்தக்க ஒன்றாகும். பெண்கள் தொடர்பான விடயங்களில் பொலிஸ் தகுந்த நடவடிக்கை எடுக்காது ஆண்களுக்க பக்கச் சார்பாகச் செயற்படுகின்றது. ஆண்களது குற்றச்சாட்டுக்களையே கவனத்தில் கொண்டு பெண்களை அவர்களது நடத்தை தொடர்பாக விமர்சிக்கும் போக்கு வலுப்பெற முனைகின்றது. வழக்கு விசாரணைகள்  நீதிமன்றங்களில் கால தாமதமாதமாகிக் கொண்டு இருக்கின்றன. சிலர் தமது அரசியல் பலத்தை தக்க வைப்பதற்கு வன்முறையை அதிலும் பெண்களுக்கெதிரான வன்முறையை ஓர் ஆதமாகப் பயன்படுத்துகின்றனர். வன்முறையாளர்கள் ஊழல் இலஞ்சம்  அதிகார மற்றும் மறைமுக மிரட்டல்கள் மூலம் தப்பித்துக் கொள்கின்றமை கண்கூடு. மறைமுக அழுத்தங்கள் காரணமாக் செயற்படுத்தப்படும் வன்முறைச்சம்பவங்களினால் எதிர்காலத்தில் பெண்கள் கல்விமற்றும் தொழில் வாய்ப்பு பற்றி சிந்திக்க முடியாது போகின்ற நிலை தோன்ற வழியுண்டு

 கோசத்திலிருந்து சந்தியா