மோனிகா. கேரளா பாலக்காட்டைச் சேர்நத கவிஞர் மொழிபெயர்ப்பாளர். தற்போது கேரளப் பல்கலைக்கழகத்தில் படித்து வருகிறார். மின்னஞ்சல் – monikakannan2507@gmail.com
பெண்ணப்பா
பெண்ணப்பா என்று,
நாடே அழைக்கும்
அப்பனுண்டு.
எல்லா அப்பனும்
ஆணப்பனாகையில்
என்னுடைய அப்பன் மட்டும்
பெண்ணப்பன். பாவாடையும் சேர்த்துக் கழுவுடா
சும்மா ஆம்பளைய சொல்ல வச்சுக்கிட்டு,
என்று கரையிலிருந்து,
வாய் கிழிப்பார்கள்,
பெண்ணப்பன் உடனே
என்னைப் பார்த்துச் சிரிப்பான்,
நூற்றாண்டுகளின்
கரையை நீக்குகிறேன் என
சித்தாந்தம் பேசுவான்,
மூக்கில் கை போட்டு
நான் பெண்ணப்பனின்
வாயைப் பார்ப்பேன்
அடிப்பாவாடை என்ன
அவ்வளவு தவறான ஒன்றா?
நான் பெண்ணப்பனிடம் கேட்பேன்
அடியில் உள்ள அனைத்தும்
தவறானதே என
மீண்டும் சித்தாந்தம் பேசுவான்
உறுப்பு கெட்டவனே, பொட்டே, மொன்னே
என ஊரே கூவும்
அம்மாவும் சொல்வாள்
வீடு பெருக்க வேண்டாம்,
துவைக்க வேண்டாம் என
பெண்ணப்பன் சிரிப்பான்
பக்கத்து வீட்டு
ஆணப்பன்மார்கள் மனைவிகளைத்
தேங்காய் துருவியால்
அடித்து வீழ்த்துவார்கள்,
திட்டுவார்கள்,
குழந்தைகளையும் அடிப்பார்கள்
வேட்டியைத் தூக்கி
விறைப்பான உறுப்பைக் காட்டி
மானம் கெடுப்பார்கள்
பெண்ணப்பன்
இவை ஒன்றும்
செய்ததில்லை
துவைத்தல்,
பெருக்கல்,
செடி நடுதல்
இவை தவிர
ஒன்றும் செய்ததில்லை
பெண்ணப்பன் எங்கோ
போனபோது,
அழுக்குத்துணி இல்லாமலேயே
அம்மா ஆற்றில் இறங்கினாள்
நான் குழி நரியைப் பிடித்து
திரும்ப விட்டு,
பின் மண் இட்லி
சுடுவதற்கு,
முக்கண்ணு கொட்டாங்குச்சியைத்
தேடி தோட்டத்திற்குச் சென்றேன்
பின்பு அம்மாவைக் காணவில்லை
பெண்ணப்பனின் இயலாமை
ஆணப்பன்மார்கள்
வளைத்திருப்பார்கள் என
கரைக் கல்லும் வசனம் பேசியது
பெண்ணப்பன் ஒன்றும் பேசவில்லை,
என்னையும் தூக்கி
ஆணப்பன்களைத் தாண்டி
எங்கோ சென்றான்,
ஆற்றில்,
மழையில்,
வெயிலில்,
அடுப்பில்,
அடிப்பாவாடைகளில்!
ஆதி குயர் இன மக்களுக்காகச் செயலாற்றுபவர். தனது கல்வி காலத்தில் பல ஆசிரியர்களால் பாலினத்தால் ஒடுக்கப்பட்ட இவர் முதுகலை மலையாளம் முடித்தமையால் தன் எதிர்ப்புகளை எழுத்தில் காட்டினார். வலைத்தளங்களில் வெளிவந்த இவரது கவிதைகள் பின்னர் தொகுக்கப்பட்டு “பெண்ணப்பா” எனும் கவிதை தொகுப்பாக வெளிவந்தது. இதற்கு கேரளா சாகித்ய விருது கிடைத்தது மட்டுமல்லாமல்இ அவரது படைப்பானது இன்று கேரளப் பல்கலைக்கழகம் மற்றும் மஹாத்மா காந்தி பல்கலைக்கழகம் இரண்டிலும் மலையாள இலக்கியத் துறையில் பாடப்பகுதியாகச் சேர்க்கப்பட்டுள்ளது. குயர் இன மக்களுக்காகச் செயலாற்றுபவர். தனது கல்வி காலத்தில் பல ஆசிரியர்களால் பாலினத்தால் ஒடுக்கப்பட்ட இவர் முதுகலை மலையாளம் முடித்தமையால் தன் எதிர்ப்புகளை எழுத்தில் காட்டினார். வலைத்தளங்களில் வெளிவந்த இவரது கவிதைகள் பின்னர் தொகுக்கப்பட்டு “பெண்ணப்பா” எனும் கவிதை தொகுப்பாக வெளிவந்தது. இதற்கு கேரளா சாகித்ய விருது கிடைத்தது மட்டுமல்லாமல்இ அவரது படைப்பானது இன்று கேரளப் பல்கலைக்கழகம் மற்றும் மஹாத்மா காந்தி பல்கலைக்கழகம் இரண்டிலும் மலையாள இலக்கியத் துறையில் பாடப்பகுதியாகச் சேர்க்கப்பட்டுள்ளது.
