பங்களிப்புச் செய்த அத்தனை அன்பர்களுக்கும் ஊடறு சார்பில் அன்பு மிகுந்த நன்றிகள்.
யாழில் நடைபெற்ற”பெயரிடாத நட்சத்திரங்கள்” மற்றும் “பூவுலகைக் கற்றலும் கேட்டலும்” ஆகிய இரு நூல்களின் அறிமுகம் இன்று 2018.04.08 பி.ப 3.30மணியளவில் திருமறைக்கலாமன்ற கலைத்தூது அழகியல் கல்லூரியில் ஆசிரியர் சி.ரமேஷ் அவர்களின் சிறப்பான ஒருங்குபுடத்தலோடு மிகச்சிறப்பாக நடைபெற்றுள்ளது பங்களிப்புச் செய்த அத்தனை அன்பர்களுக்கும் ஊடறு சார்பில் மிகுந்த நன்றிகள்.இவ்நூல்கள் அறிமுகத்தில் கிடைக்கப்பெற்ற தொகையான 10,000 க்கும் அதிகமான பணத்தை போரால் பாதிக்கப்பட்ட பெண்தலைமைத்துவ பெண்களுக்கு வழங்கப்பட்டுள்ளது என்பதையிட்டு நாம் மகிழ்வடைகின்றோம்
இந் நிகழ்வை சு.ஸ்ரீகுமரன் அவர்கள் தலைமையேற்று நடாத்த கருத்துரைகளை சி.கருணாகரன்,ந.குகபரன்,நா.நவராஜ்,
சி.ரமேஷ் ஆகியோர் வழங்கியிருந்தனர்.இந்நிகழ்விற்கு எழுத்தாளர்கள்,விமர்சகர்கள்,ஊடகவியலாளர்கள்,மற்றும் ஆர்வலர்கள் வருகை தந்து சிறப்பித்ததோடு நூல்களையும் பெற்றுச் சென்றனர்.அத்துடன் அணங்கு பதிப்பகத்தின் “பெண்ணியப் பிரகடணம்”,மாலதிமைத்ரியின் “முட்கம்பிகளால் கூடு பின்னும் பறவை” போன்ற நூல்களும் காட்சிப படுத்தப்பட்டு விற்பனையும் செய்யப்பட்டன.
